Azərbaycan kubokunun cari mövsümünün debütanları

Azərbaycan kubokunun 1/16 final mərhələsi 2 klubun bu yarışda debütü ilə əlamətdar olacaq. Azerisport.az xəbər verir ki, “Qala” və “Ağsu” ölkə kuboku tarixində ilk dəfə bu turnirə qatılacaq.

 

İndiyədək baş tutan 20 ölkə kubokunda 143 komanda oynadığından debütantlar bu rəqəmi 145-ə çatdıracaq. Digər cütlərdən fərqli “Qala” – “Kəpəz” oyunu daha tez keçiriləcəyindən paytaxt təmsilçisi 144-cü kimi tarixə düşəcək. “Ağsu” isə Azərbaycan kubokunun 145-cisi olacaq.

 

1/16 finalın digər 8 iştirakçısı isə əvvəllər də kubokda mübarizə aparıb. Onlar arasında ən təcrübəlisi “Kəpəz”dir. Bir-birilə qarşılaşacaq MOİK və “Bakılı” da digərlərindən daha çox bu yarışda oynayıb.