23 oktyabr 2012 00:52
Bir oyuna üç debütant
“Qarabağ” Premyer Liqanın 9-cu turunda “Bakı”yla üz-üzə gəldi. Azerisport.az xəbər verir ki, 1:1 başa çatan oyun bir sıra məqamlarla yadda qaldı.
Zədə səbəbindən Əfran İsmayılov, Rəşad Sadıqov, Mustafa Afroto oyunu buraxmalı oldu. Belədə “Qarabağ”ın heyətində ciddi dəyişiklik zəruri idi. Maraqlıdı ki, “Qarabağ”ın baş məşqçisi Qurban Qurbanov dəyişiklikləri gənclərin xeyrinə etmişdi. Özü də dəyişikliklər debütlərlə reallaşdı. Rəşad Sadıqovun yerinə Bədavi Hüseynov, millinin düşərgəsindən yorğun dönən Qara Qarayevi Hacı Əhmədov ilk dəfə “Qarabağ” formasını geyinmə şansı əldə etdi. Üstəlik, 15-ci dəqiqədə zədələnən Namiq Yusifovun yerinə köhnə-yeni debütant Emin Mustafayev daxil oldu. 2006-cı ildən “Qarabağ”ın sıralarında olan 22 yaşlı yarımmüdafiəçi 1 neçə ili müxtəlif klublarda icarədə olduqdan sonra yenidən “Qarabağ”a qayıdıb.
