23 oktyabr 2012 13:28
Anar Bəkirov: Simurqun ilk məğlubiyyətində təəccüblü heç nə yoxdu
“Simurq”un prezidenti Anar Bəkirov azerisport.az saytına müsahibəsində Topaz Premyer Liqasının 9-cu turunda “İnter”ə məğlubiyyətdən, eləcə də komandasının çıxışından danışıb. O, öncə bunları dilə gətirib:
“Mən “Simurq”un “İnter”ə qəsdən uduzduğunu iddia edənləri başa düşə bilmirəm. Yəni hamı elə düşünür ki, biz çempionatı məğlubiyyətsiz başa vuracağıq? İlk 8 tur ərzində məğlub olmamışdıq. Amma bu dəfə alınmadı. Komandaya bəraət qazandırmaq istəmirəm. Amma “İnter”lə görüşə birdən-birə iki əsas heyət oyunçusu – Dilaver Zrnanoviçlə Mario Bojiç oynaya bilmirdi. Qapıçı David Petrkeviç də özünü çox pis hiss edirdi. Məğlub olmaq çox üzücüdü. Amma inanıram ki, qarşıdakı turlarda komanda bu yenilginin əvəzini çıxacaq”.
“Mən “Simurq”un “İnter”ə qəsdən uduzduğunu iddia edənləri başa düşə bilmirəm. Yəni hamı elə düşünür ki, biz çempionatı məğlubiyyətsiz başa vuracağıq? İlk 8 tur ərzində məğlub olmamışdıq. Amma bu dəfə alınmadı. Komandaya bəraət qazandırmaq istəmirəm. Amma “İnter”lə görüşə birdən-birə iki əsas heyət oyunçusu – Dilaver Zrnanoviçlə Mario Bojiç oynaya bilmirdi. Qapıçı David Petrkeviç də özünü çox pis hiss edirdi. Məğlub olmaq çox üzücüdü. Amma inanıram ki, qarşıdakı turlarda komanda bu yenilginin əvəzini çıxacaq”.
Zaqatala klubu “İnter”lə ötən mövsüm baş tutan qalmaqallı oyundan da danışıb: “Zaqatalada hakim öz qərarları ilə sabiq baş məşqçimiz Sergey Yuranı komandasını meydandan çıxarmağa məcbur etdi. Onları geri qaytarmağa çətinliklə nail oldum. Həmin vaxt biz klub tarixi ərzində ən böyük cəriməni ödədik – 15 min manat. İndi ötən mövsümün bürünc mükafatçısı, avrokuboklarda təmsilçimiz olmuş komandanın bizi minimal hesabla məğlub etməsində nə var ki? “Simurq”un cari mövsümdəki ilk məğlubiyyətində təəccüblü heç nə yoxdu. Bəs niyə heç kim ötən mövsümün sonunda “Simurq”a qarşı ikiqat güclə döyüşən klubların bir-birinə qarşı oynаmaq istəməməsindən danışmır”?
Bəkirov həmçinin “Qarabağ” – “Bakı” matçından sonra baş hakim Əliyar Ağayevin vurulmasına da münasibət bildirib: “Etiraf edim ki, azərbaycanlı hakimlər fərqlidilər. Bəzi hakimlər var ki, komandamız da onların əlindən az çəkməyib. Amma Ağayevi ölkənin ən yaxşı gənc hakimi hesab edirəm. Məncə, klublarımız da Azərbaycanda hakimliyin inkişafında maraqlı olmalıdılar”.
