24 oktyabr 2012 22:45
Quliyev Rubinin heyətində ən çox çəkindiyi futbolçunun adını açıqladı
Azərbaycan çempionu “Neftçi”nin müdafiəçisi Tərlan Quliyev Avropa Liqasının qrup mərhələsi çərçivəsində Rusiya “Rubin”inə qarşı keçirəcəkləri oyun öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Oyunun xüsusilə ilk 10-15 dəqiqəsi komandamız üçün çətin olacaq. Eləcə də, mənim üçün. Amma mənim gənclərdən ibarət Azərbaycan yığmasının heyətində beynəlxalq oyun təcrübəm var. Ona görə də həyəcanı boğmaq mümkündü. Rəqibin heyətində xüsusil Salomon Rondonu qeyd edərdim. O, kazanlıların heyətində ən təhlükəli futbolçudu”.
