25 oktyabr 2012 12:59
Səməd Qurbanov: Rubin o vaxt indiki qədər güclü deyildi
Veteran futbolçumuz Səməd Qurbanov Azərbaycan çempionu “Neftçi”nin Avropa Liqasında bu gün qarşılaşacağı Rusiya “Rubin”i ilə tarixi görüşlərindən danışıb. Azerisport.az saytına müsahibəsində o, 70-ci illərdə baş tutmuş görüşlərlə bağlı bunları dilə gətirib:
“O vaxt “Rubin” zəif klub idi. İndiki qədər güclü deyildi. Yadıma gəlir ki, sonuncu dəfə 1976-cı ildə birinci divizionda oynayarkən onları iki dəfə məğlub etmişdik. Səfərdə 2:1, evdə isə 4:2 hesabıyla üstün olduq. Düzünü deyim ki, həmin görüşlər haqda ətraflı heç nə xatırlamıram. Neçə il keçib. Bu günkü oyuna gəlincə, Kazan klubu güclü olsa da, “Neftçi” onlarla mübarizə apara bilər. Mən hətta komandamızın üç xal qazanacaq gücdə olduğunu düşünürəm. Amma heç-heçə də pis nəticə olmayacaq”.
“O vaxt “Rubin” zəif klub idi. İndiki qədər güclü deyildi. Yadıma gəlir ki, sonuncu dəfə 1976-cı ildə birinci divizionda oynayarkən onları iki dəfə məğlub etmişdik. Səfərdə 2:1, evdə isə 4:2 hesabıyla üstün olduq. Düzünü deyim ki, həmin görüşlər haqda ətraflı heç nə xatırlamıram. Neçə il keçib. Bu günkü oyuna gəlincə, Kazan klubu güclü olsa da, “Neftçi” onlarla mübarizə apara bilər. Mən hətta komandamızın üç xal qazanacaq gücdə olduğunu düşünürəm. Amma heç-heçə də pis nəticə olmayacaq”.
