25 oktyabr 2012 13:26
Əsgər Abdullayev: Ən yaxşı halda Neftçidən heç-heçə gözləyirəm
Təcrübəli futbol mütəxəssisi Əsgər Abdullayev Avropa Liqasının qrup mərhələsi çərçivəsində keçiriləcək “Rubin” (Rusiya) – “Neftçi” (Azərbaycan) matçı ilə bağlı fikirlərini açıqlayıb. Azerisport.az saytına müsahibəsində o, bunları dilə gətirib:
“Matç komandamız üçün çətin keçəcək. Kazanda indi hava çox soyuqdu. Həmçinin doğma meydan amili də rusların tərəfindədi. “Neftçi” rəqibin güclü hücumlarının qarşısını kəsmək məcburiyyətində qalacaq. Rusiya çempionatındakı son uğursuzluqlardan sonra “Rubin” indi azarkeşlərinin gözü qarşısında qələbə qazanıb, vəziyyəti dəyişməyə çalışacaq. Kazan klubu bu avrokuboklar mövsümünə böyük önəm verir. Bu üzdən də ən yaxşı halda “Neftçi”dən heç-heçə gözləyirəm”.
