Topaz Premyer Liqası, 10-cu tur: tarixə səyahət

Bu həftə Topaz Premyer Liqasında 10-cu turun oyunları keçiriləcək. Azerisport.az xəbər verir ki, bu turun qarşılaşmaları da 3 gün ərzində baş tutacaq.

 

Peşəkar Futbol Liqasının rəsmi saytı qarşıdakı turda üz-üzə gələn cütlərin ölkə çempionatları tarixindəki əvvəlki qarşılaşmalarının balansını təqdim edir.

 

10-cu tur

26 oktyabr (cümə)

 

55. “Bakı” (Bakı) – “İnter” (Bakı)
+13=6-11, top fərqi – 26:22

 

31-ci duel öncəsi “Bakı” paytaxt derbisində üstünlüyə malikdir. Lakin onlar son 5 ev oyununda cəmi 1 qələbə qazanıb. Başa çatan son 4 oyun, o cümlədən,“Bakı”nın son 3 ev oyununda cəmi 1 qol vurulub.

 

* - texniki nəticə top fərqində nəzərə alınmayıb.

 

56. “Simurq” (Zaqatala)– AZAL (Bakı)
+3=5-8, top fərqi – 13:23

 

İndiyədək baş tutan 16 matçın yarısında qalib gələn AZAL son 8 oyunda uduzmayıb. Üstəlik “Simurq”un son 4 ev matçında qalib gələn qonaqlar olub.

 

 

57. “Kəpəz” (Gəncə) – “Sumqayıt” (Sumqayıt)
+1=1-2, top fərqi – 6:8

 

Yalnız ötən mövsüm görüşən rəqiblərin qarşılaşmalarında meydan sahibləri aşkar üstündür. Son 3 oyunda qonaqlar uduzur. Öz meydanında oynayanlar isə hələməğlub olmayıb.

 

 

27 oktyabr (şənbə)

58. “Qəbələ” (Qəbələ) – “Turan” (Tovuz)
+10=2-2, top fərqi – 15:7

 

1259 gündən sonra rəqibindən xal almağa çalışacaq “Turan” ardıcıl 8 oyundur“Qəbələ”dən xal almır. Bu 8 matçdan 6-da 1 qolla qalib gələn “Qəbələ” cəmi 1 qol buraxıb.

 

 

59. “Xəzər Lənkəran” (Lənkəran) – “Qarabağ” (Ağdam)
+9=4-9, top fərqi – 27:21

 

İndiyədək eyni sayda qələbə qazanan rəqiblər 23-cü dueldə tarazlığı pozmağa çalışacaq. Top fərqində üstün olan “Xəzər Lənkəran” son 3 ev matçında uduzmayıb.

 

 

28 oktyabr (bazar)

 

60. “Rəvan” (Bakı) – “Neftçi” (Bakı)
+0=0-2, top fərqi – 0:2

 

Ölkənin ən titullu klubu olan “Neftçi” yalnız ötən mövsüm qarşılaşdığı rəqibləgörüşlərdə xal itirməyib. “Rəvan”ın uduzduğu hər 2 qarşılaşmada eyni sayda – 1 qol vurulub.