25 oktyabr 2012 17:51
“Heç-heçə Neftçi üçün əla nəticə olacaq”
“Qarabağ”ın yarımmüdafiəçisi İlqar Qurbanov Azərbaycan çempionu “Neftçi”nin Avropa Liqasının qrup mərhələsi çərçivəsində Rusiya “Rubin”i ilə oyununa dair fikirlərini açıqlayıb. Azerisport.az saytına müsahibəsində o, bunları dilə gətirib:
“Rubin” adi komanda deyil. Hələ birinci turda onlar “İnter”lə səfərdə heç-heçə etdilər. Tatarlar futbol oynamağı, qol vurmağı bacarırlar. Kazanlıların heyətində həm yaxşı yerli, həm də legioner futbolçular çıxış edirlər. “Neftçi”yə səfərdə belə komandaya qarşı oynamaq çətin olacaq. Fikrimcə, heç-heçə komandamız üçün çox yaxşı nəticə olardı. Düzdü, hamımız qələbə arzulayırıq. Amma real götürdükdə “Rubin” hətta bu qrupun əsas favoritlərindən biridi. “Neftçi” ilə oyunda xal itkisi onların planlarına daxil deyil və bu, baş versə, rusların işinə çətinə düşəcək. Ona görə də “Rubin” qələbəyə oynayacaq”.
“Rubin” adi komanda deyil. Hələ birinci turda onlar “İnter”lə səfərdə heç-heçə etdilər. Tatarlar futbol oynamağı, qol vurmağı bacarırlar. Kazanlıların heyətində həm yaxşı yerli, həm də legioner futbolçular çıxış edirlər. “Neftçi”yə səfərdə belə komandaya qarşı oynamaq çətin olacaq. Fikrimcə, heç-heçə komandamız üçün çox yaxşı nəticə olardı. Düzdü, hamımız qələbə arzulayırıq. Amma real götürdükdə “Rubin” hətta bu qrupun əsas favoritlərindən biridi. “Neftçi” ilə oyunda xal itkisi onların planlarına daxil deyil və bu, baş versə, rusların işinə çətinə düşəcək. Ona görə də “Rubin” qələbəyə oynayacaq”.
