27 oktyabr 2012 00:45
Bruno Bertuççi: Neftçinin nəyə qadir olduğunu cavab oyunları göstərəcək
“Neftçi”nin müdafiəçisi Bruno Bertuççi Avropa Liqasının qrup mərhələsi çərçivəsində Rusiya “Rubin”inə qarşı keçirdikləri oyunu şərh edib. Azerisport.az saytına müsahibəsində o, öncə bunları dilə gətirib:
“Komandamızla yanaşı mənə də bu oyunda çox çətin idi. Çünki “Rubin”in əksər hücumları mənim cinahımdan qurulurdu. Biz ilk növbədə öz qapımızın toxunulmazlığı haqda düşünməliydik”.
“Komandamızla yanaşı mənə də bu oyunda çox çətin idi. Çünki “Rubin”in əksər hücumları mənim cinahımdan qurulurdu. Biz ilk növbədə öz qapımızın toxunulmazlığı haqda düşünməliydik”.
Bertuççinin sözlərinə görə, komandasının hələ də qrup mərhələsini uğurla başa vurmaq şansı qalır: “Biz başa düşürük ki, rəqiblərimizin hamısı yüksək səviyyəli komandalardı. Amma biz Belqradda xal qazandıq, “İnter”lə görüşdə döyüşdük. Elə “Rubin”lə də həmçinin. Təəssüf ki, son oyunlarımızda xal qazanmağa nail ola bilmədik. Lakin nəzərə almaq lazımdı ki, bu, komandamız üçün ilk belə turnirdi. Avroliqada iştirak ilk növbədə böyük təcrübədi. Qarşıda hələ ikinci dövrənin oyunları var. Bizim nəyə qadir olduğumuzu məhz həmin oyunlar göstərəcək. Mən Bakıdakı oyunda “Neftçi”nin “Rubin”dən revanş alacaq gücə malik olduğuna şübhə etmirəm”.
