28 oktyabr 2012 18:25
Kemal Alispahiç Neftçi ilə oyunda qazandıqları zəfərdən danışdı
“Rəvan”ın baş məşqçisi Kemal Alispahiç Topaz Premyer Liqasının 10-cu turunun “Neftçi” ilə oyununu şərh edib. Azerisport.az xəbər verir ki, paytaxt təmsilçisinin bosniyalı çalışdırıcısı 2:0 hesabıyla başa çatan görüşdən sonra bunları dilə gətirib:
“Çox yaxşı nəticə əldə etdik. Bizim komandanın “Neftçi” qədər güclü və sürətli komanda olduğunu düşünmürəm. “Neftçi” Avroliqa oyunundan sonra yorğun idi. Məşqlərdə hazırlaşdığımız kimi oynadıq. Futbolçularım topla yaxşı oynadı, taktiki tapşırıqları yerinə yetirdilər. “Neftçi”nin təhlükəli hücumlarının qarşısını ala bildik. Qalib gəldiyimiz üçün komandaya təşəkkürümü bildirirəm”.
