28 oktyabr 2012 12:16
Xəzər Lənkəran Kamran Ağayevə geri qayıtmaq təklifi etdi
“Xəzər Lənkəran” futbol üzrə Azərbaycan yığmasının da şərəfini qoruyan qapıçısı Kamran Ağayevlə bağlı bəyanat yaymağa hazırlaşır. Azerisport.az xəbər verir ki, bir necə gün öncə bölgə klubunun başbilənləri sözügedən qapıçı ilə görüşüb.
Belə ki, rəhbərlik ona geri qayıtmağı təklif edib. Lakin Kamran bundan imtina edib və bildirib ki, onu komandada gözləmirlər. Bu üzdən də onun Lənkərana dönüşü çətin məsələdi. Yaranan vəziyyətlə bağlı son qərarı isə klub prezidenti verəcək. Yalnız bundan sonra rəhbərlik hər şeyə aydınlıq gətirəcək bəyanatla çıxış etməlidi.
Qeyd edək ki, uzun müddət “Xəzər Lənkəran”dan ayrı düşən Ağayev AFFA prezidenti Rövnəq Abdullayevin işə qarışmasından sonra klubun düşərgəsinə yollansa da, kollektiv, məşqçilər və azarkeşlər tərəfindən soyuq qarşılandığını əsas gətirərək, yenidən əşyalırını toplayıb, Bakıya dönmüşdü.
