28 oktyabr 2012 00:37
Manuel Skarlatake: Ümid edirəm ki, növbəti oyunda da başqa futbolçumuz dubl edər
“Xəzər Lənkəran”ın müdafiəçisi Manuel Skarlatake Topaz Premyer Liqasının 10-cu turunun “Qarabağ”la oyunundan (2:0) azerisport.az saytının suallarını cavablandırıb. O, öncə bunları dilə gətirib:
- Yaxşı oyun alındı. Son üç oyunda qazandığımız nəticələr də ürəkaçandı – iki qələbə, bir heç-heçə. Bu 7 xal bizi həm də yeddinci pilləyə qaldırdı. Hər halda bir müddət öncə turnir cədvəlinin alt pillələrində olmağımızı nəzərə alsaq, heç də pis nəticə deyil.
- Yaxşı oyun alındı. Son üç oyunda qazandığımız nəticələr də ürəkaçandı – iki qələbə, bir heç-heçə. Bu 7 xal bizi həm də yeddinci pilləyə qaldırdı. Hər halda bir müddət öncə turnir cədvəlinin alt pillələrində olmağımızı nəzərə alsaq, heç də pis nəticə deyil.
- Hava şəraiti bu oyuna nə dərəcədə təsir göstərdi?
- Hava şəraiti çox pis idi. Amma bu, hər iki komandanın oyununa eyni dərəcədə təsir göstərdi. Çünki oxşar şərtlər altında mübarizə aparırdıq. İstənilən halda biz daha yaxşı futbol sərgilədik və lazım olan qələbəni əldə etdik. Şadam ki, Dimitris Sialmas iki qol vurmağı bacardı.
- Hava şəraiti çox pis idi. Amma bu, hər iki komandanın oyununa eyni dərəcədə təsir göstərdi. Çünki oxşar şərtlər altında mübarizə aparırdıq. İstənilən halda biz daha yaxşı futbol sərgilədik və lazım olan qələbəni əldə etdik. Şadam ki, Dimitris Sialmas iki qol vurmağı bacardı.
- “Xəzər Lənkəran” dubllarla qələbə qazanmağa başlayıb: öncə siz AZAL-a iki qol vurdunuz, indi də Sialmas “Qarabağ”la oyunda dubla imza atdı...
- Bu seriyanı davam etdirdiyimiz üçün şadam. Ümidvaram ki, növbəti oyunda da başqa futbolçumuz dubla imza atar və qələbə qazanarıq (gülür).
- Yeri gəlmişkən, növbəti turda sizi “Sumqayıt” sınağı gözləyir...
- Mən onların oyunlarını televizordan izləmişəm. Hiss olunur ki, bu komanda yeni mövsümdən daha yaxşı oynamağa başlayıb. Sumqayıtlılarla oyunda qələbə qazanmaq bizə çox çətin olacaq.
- Bu komanda favoritlərə qarşı xüsusi motivasiya ilə oynayır. Məsələn, “Neftçi” (3:2) və “Bakı” üzərində qələbə qazanıblar...
- “Sumqayıt”ın adi komanda olmadığını inkar edə bilmərəm. Yəqin ki, onlar favoritlərlə görüşə xüsusi köklənirlər və nəticə qazanırlar.
- Kamran Ağayevin komandadan gedişi barədə siz nə düşünürsüz?
- Düzünü deyim ki, mən nə baş verdiyini dəqiq bilmirəm. Təəssüf ki, azərbaycanca bilmirəm. Ona görə də baş verənləri başa düşə bilmirəm. Bu sualınıza da cavab verə bilmərəm.
- Düzünü deyim ki, mən nə baş verdiyini dəqiq bilmirəm. Təəssüf ki, azərbaycanca bilmirəm. Ona görə də baş verənləri başa düşə bilmirəm. Bu sualınıza da cavab verə bilmərəm.
