29 oktyabr 2012 16:37
Azərbaycanlı prezident: Əməkhaqqılar 10 faiz azaldılmalıdı
Hələ bu mövsümün əvvəlində bəlli oldu ki, azərbaycanlı biznesmen Gülnarə Xanbabayeva İspaniyanın gücünə görə 4-cü divizionunda çıxış edən “Ellin Deportivo” klubunun səhmlərini alıb. Azerisport.az xəbər verir ki, o, bu səhmlərin əsas hissəsini alaraq, komandanın tam hüquqlu sahibinə çevrildi.
Lakin çempionatın bir neçə turu geridə alsa da, “Ellin Deportivo Baku” pley-off zonasından qalır. Məhz bu üzdən hazırda komandada bəzi problemlər yaranıb.
Dünən çağırılmış mətbuat konfransında Xanbabayeva klubun eks-prezidenti Manuel Martineslə birgə nəticələr yaxşılaşmayana qədər “Ellin Depotivo Baku”nun əməkdaşlarının və məşqçilərinin əməkhaqqılarının 10 faiz azaldılacağını təsdiqləyib. Onun sözlərinə görə, sponsorlar komandanın çempionatdakı çıxışından o qədər də razı deyillər.
“Mən klubda 30-a qədər adam saxlayıram. Əvəzində nəticə və hörmət tələb edə bilərəm. Eyni zamanda mənə bir çox oyunçularımızın oyunlara etinasızlıqla yanaşmasının səbəbini bilmək lazımdı”, deyə Xanbabayeva bildirib.
Qeyd edək ki, komandanın qarşısına Sequndaya çıxmaq vəzifəsi qoyulub. Xatırladaq ki, əvvəllər Xanbabayeva “Baku de Valensiya”ya rəhbərlik edirdi.
