29 oktyabr 2012 00:16
Fransa çempionatında daha bir oyun təxirə salındı
Futbol üzrə Fransa çempionatının 10-cu turunun daha bir oyunu təxirə salınıb. Azerisport.az xəbər verir ki, ötən gün keçirilməli olan Marsel və Lion “Olympique”ləri arasındakı qarşılaşma başqa vaxta keçirilib.
Buna qeyri-sabit hava şəraiti səbəb olub. Belə ki, Avropanın bəzi ölkələrini bürüyən qar yağışı Fransa çempionatının bu görüşünə də təsirsiz ötüşməyib.
Maraq üçün xatırladaq ki, bu turun “Sochaux” – “Evian” qarşılaşması da eyni səbəbdən təxirə salınmışdı. Fransa Futbol Federasiyası hələlik bu oyunların konkret nə vaxt keçiriləcəyini açıqlamır.
