30 oktyabr 2012 15:52
Neftçi liderlə oyun öncəsi cəmi bir məşqlə kifayətlənir
Futbol üzrə Azərbaycan çempionu “Neftçi” bu gün Topaz Premyer Liqasının 11-ci turunun “Simurq”la oyunu öncəsi ilk və son məşqinə çıxıb. Azerisport.az xəbər verir ki, paytaxt təmsilçisi “Rəvan”la oyundan sonra istirahətdə idi.
Yalnız bu gün bir araya gələn “ağ-qaralar” Zaqatala klubu ilə görüş öncəsi daha yaxşı hazırlaşmaq şansından məhrumdu. Çünki növbəti oyun artıq sabah keçiriləcək.
Maraq üçün onu da qeyd edək ki, çempionatın lideri ilə görüş “Neftçi” üçün bir çox məqamlara aydınlıq gətirməlidi. Məsələ burasındadı ki, “Rəvan”a 0:2 hesablı yenilgidən sonra baş məşqçi Böyükağa Hacıyev və klubun bir sıra rəsmiləri istefa qərarını açıqlamışdı. Amma klub prezidenti Sadıq Sadıqov onların istefasını qəbul etməyib.
