30 oktyabr 2012 11:08
Topaz Premyer Liqası, 11-ci tur: Asim Xudiyevin proqnozu
Azərbaycan futbolunun veteranı Asim Xudiyev azerisport.az saytı üçün Topaz Premyer Liqasının 11-ci turunun oyunları ilə bağlı proqnozlarını açıqlayıb.
İnter – Kəpəz
“İnter” çempionata çox yaxşı başlayıb. İndi də “Kəpəz”i evdə qəbul edəcək. Fikrimcə, meydan sahibləri minimal hesabla qalib gələcəklər.
AZAL – Bakı
Hər iki komandaya 3 xal lazımdı. AZAL Vaqif Sadıqovun rəhbərliyi altında əla futbol sərgiləyir. Onların uğurları baxımlı oyunla bağlıdı. Düzdü, son turlarda onların işi o qədər də yaxşı alınmır. Elə “Bakı” da ümidləri doğrultmur. Fikrimcə, oyun heç-heçə bitəcək.
Sumqayıt – Xəzər Lənkəran
Yunis Hüseynovun komandası tədricən özünə gəlir. “Qarabağ” üzərindəki qələbədən sonra onları dayandırmaq çətin olacaq. Özü də “Sumqayıt” onların dişinə görə rəqibdi. Cənublular görüşün favoritidi. Sumqayıtlılar güman ki, müdafiə olunacaqlar. Amma istənilən halda XL qalib gəlməlidi.
Neftçi – Simurq
Heç-heçə olacağını düşünürəm. Böyükağa Hacıyev yaxşı komanda yaradıb. Amma “Simurq”un da döyüşkən heyəti var. Buna görə də bu qarşılaşmada hansısa komandanın qələbə qazanacağını düşünmürəm. Özü də “Neftçi” bir qədər yorğundu ki, bu da oyuna təsirsiz ötüşməyəcək.
Turan – Rəvan
Əfqan Talıbovun gəlişindən sonra “Turan” qələbələri sıralamağa başlayıb. Onlar AZAL və “Qəbələ”ni məğlub etdilər. Fikrimcə, bu dəfə “Rəvan”ı da məğlub edə bilərlər. Amma bu dəfə heç-heçə olacağını düşünürəm.
Qarabağ – Qəbələ
“Xəzər Lənkəran”a məğlubiyyətdən sonra “Qarabağ”ın özünə gəlməsi üçün qələbəyə ehtiyacı var. “Qəbələ” də ardıcıl xallar itirir. Bu komandalar da heç-heçə edəcəklər.
