1 noyabr 2012 02:15
İngiltərə kuboku: Chelsea MY-dən qisasını əzmkar qələbə ilə aldı (YENİLƏNİB)
Futbol üzrə İngiltərə Liqa Kubokunda dördüncü mərhələnin oyunları keçirilib. Azerisport.az xəbər verir ki, bir oyundan ibarət bu mərhələdə 16 klub mübarizə aparırdı. Onlar növbəti mərhələyə adlayacaq 8 xoşbəxtin adını müəyyənləşdiriblər.
İlk oyun günündə beş görüş baş tutub. Ən maraqlı oyunlardan biri “Reading”lə “Arsenal” arasında keçirilib. Düz 12 qolun vurulduğu qarşılaşmada qapısından 5 top buraxan “Arsenal” möhtəşəm əzmkarlıq sayəsində mərhələ adlayıb. Bu komanda ilə yanaşı “Leeds”, “Middlesbrough”, “Aston Villa” və “Bradford” da növbəti mərhələyə çıxmağın sevincini yaşayıb.
Qalan görüşlər ikinci oyun günündə baş tutub. Ən prinsipial görüş “Chelsea” və “Manchester United” arasında keçirilib/ Cəmi bir neçə gün öncə bu komandalar arasında Premyer Liqa çərçivəsində keçirilmiş görüşdə MY səfərdə London klubuna cari mövsümdəki ilk məğlubiyyətini yaşatmışdı – 3:2. Lakin bu dəfə "Chelsea" hesabda üç dəfə geri düşdüyü oyunda möhtəşəm əzmkarlıq nümayiş etdirərək, qələbə qazanıb və növbəti mərhələyə adlayıb. “Norwich” “Tottenham”i məğlub yola salıb. “Liverpool” isə evdə “Swansea” ilə dueldən şok məğlubiyyətlə ayrılıb.
İngiltərə Liqa Kuboku
4-cü mərhələ
30 oktyabr
Leeds – Southampton – 3:0
Reading – Arsenal – 5:7
Sunderland – Middlesbrough – 0:1
Swindon - Aston Villa – 2:3
Wigan – Bradford – 0:0 (penaltilərlə 2:4)
31 oktyabr
Chelsea - Manchester United - 5:4
Norwich - Tottenham - 2:1
Liverpool - Swansea - 1:3
