1 noyabr 2012 01:39
Əzmkar qələbə Neftçinin rəqibini ikinci etdi (YENİLƏNİB)
Futbol üzrə İtaliya A Seriyasında 10-cu turun oyunları keçirilib. Azerisport.az xəbər verir ki, Avropa Liqasının qrup mərhələsində Azərbaycan çempionu “Neftçi”nin rəqibi olan “İnter” də növbəti görüşünə çıxıb.
Milan klubu doğma meydanda “Sampdoria” ilə münasibətlərinə aydınlıq gətirib. Görüşdə hesabı 20-ci dəqiqədə qonaqlar açıblar. Amma qarşılaşmanın 52-ci dəqiqəsində rəqib azlıqda qalıb və "İnter" penalti qazanıb. Milito bu şansı qaçırmayıb. 68 və 82-ci dəqiqələrdə isə müvafiq olaraq Palasio ilə Quarin komandasına 3 xal qazandıran qollara imza atıb. Qonaqlar son saniyələrdə buraxılan qollardan birinin əvəzini çıxsalar da, 2:3 hesablı yenilgidən yaxa qurtara bilməyiblər.
Qeyd edək ki, Andrea Stramaççoninin komandası hazırda 10 oyuna 24 xalla ikinci yerdə qərarlaşıb.
İtaliya A Seriyası
10-cu tur
31 oktyabr
Inter - Sampdoria - 3:2
