31 oktyabr 2012 00:05
Ufuk Budaq qayıtdı və Eskişehirsporu məğlubiyyətdən xilas etdi (FOTO)
Futbol üzrə Azərbaycan yığmasının müdafiəçisi Ufuk Budaq nəhayət ki, zədədən qurtulub. Azerisport.az xəbər verir ki, bir müddət öncə fərdi məqşlərə başlayan Türkiyənin “Eskişehirspor” klubunun üzvü artıq rəsmi oyuna da çıxıb.
Amma o, komandasının əvəzedici heyətində meydana çıxıb. “Eskişehirspor 2” doğma meydanda “Göztepe 2” ilə qarşılaşıb ki, Ufuk bu görüşdə 90 dəqiqə meydanda olub. Millimizin üzvü həm də qol vurmaqla diqqət mərkəzinə düşüb. Belə ki, ilk yarıdan sonra 1:2 hesabıyla uduzan “Es-Es”i 68-ci dəqiqədə məhz Budaq məğlubiyyətdən xilas edib.
Dünəndən etibarən isə U.Budaq əsas komanda ilə məşqlərə başlayıb. Lakin onun qarşıdakı “Gaziantepspor”la görüşdə iştirakı o qədər də inandırıcı görünmür.
