5 noyabr 2012 17:24
Vəli Qasımov: Məni millidən uğursuz nəticələrə görə uzaqlaşdırdılar
19 yaşadək futbolçulardan ibarət Azərbaycan yığmasının sabiq baş məşqçisi Vəli Qasımov istefaya göndərilməsinə münasibət bildirib. Azerisport.az saytına müsahibəsində o, bunları dilə gətirib:
“İstefamın səbəbini uğursuz nəticələrlə əlaqələndirdilər. Qrupdan çıxa bilmədik, sonuncu olduq. Amma komandanın oyununu pis adlandırmaq olmaz. Onu da nəzərə almaq lazımdı ki, çox ciddi rəqiblərlə mübarizə aparırdıq. Bizim qətiyyən bəxtimiz gətirmədi”.
“İstefamın səbəbini uğursuz nəticələrlə əlaqələndirdilər. Qrupdan çıxa bilmədik, sonuncu olduq. Amma komandanın oyununu pis adlandırmaq olmaz. Onu da nəzərə almaq lazımdı ki, çox ciddi rəqiblərlə mübarizə aparırdıq. Bizim qətiyyən bəxtimiz gətirmədi”.
“İslandiya ilə oyunun startındaca qol buraxdıq. Gürcülərə qarşı çox pis meydançada mübarizə apardıq. Nəticədə də ancaq heç-heçə edə bildik. Xorvatlara da böyük hesabla uduzduq. Halbuki, bizi yalnız qələbə qane edirdi. Hücuma atıldığımızdan müdafiədə yaranan boşluqlar rəqibin xeyrinə işlədi”.
Bəs görəsən Qasımov gələcək karyerası barədə nə düşünür? “İndi ancaq istirahət etmək haqda düşünürəm. Bütün baş verənləri unutmaq istəyirəm. Ondan sonrasına baxarıq”.
Vəli Qasımov sonda Azərbaycan çempionu “Neftçi”nin Avropa Liqasının qrup mərhələsi çərçivəsində Rusiya “Rubin”inə qarşı keçircəyi oyundan da danışıb: “Fikrimcə, sıx qrafik uğursuzluğa əsas göstərilməməlidi. Bütün Avropa bu sistemlə oynaya bilir, “Neftçi” yox? Həm də oyun təcrübəsinin çoxluğu heç bir komandaya mane olmur. Komandamız öz meydançasında yaxşı oynayır. Bu, “Neftçi”nin qrup mərhələsindəki ilk qələbəsini rəsmiləşdirməsi üçün bir şansdı. Əminəm ki, Kazan təmsilçisi Bakıya güclü heyətlə gələcək. Amma bu, rəqibdən xal almağımıza mane olmamalıdı”.
