Neftçi Rubinə yenə minimal hesabla uduzdu (YENİLƏNİB)

Bu gün futbol üzrə UEFA Avropa Liqasında qrup mərhələsinin dördüncü turunun oyunları keçirilib. Azerisport.az xəbər verir ki, Azərbaycan çempionu “Neftçi” də bu turnirdə növbəti oyununa çıxıb.

 

Təmsilçimiz bu dəfə Rusiya “Rubin”i ilə cavab görüşündə qüvvəsini sınayıb. Kazan klubu doğma meydanda “Neftçi”ni məğlub etmişdi – 1:0. Bu üzdən də “ağ-qaralar” Avroliqanın qrup mərhələsində ilk qələbəsini qazanmaqla ruslardan qisasını almağı hədəfləmişdi.

 

Lakin çox təəssüf ki, komandamız bu istəyinə çata bilməyib. Əksinə, Rusiya klubu ilk oyunda olduğu kimi, yenə minimal hesablı qələbəyə sevinib.

 

Avropa Liqası

H qrupu

8 noyabr

NEFTÇİ – RUBİN - 0:1 (0:1)

Qol: Dyadyun, 16 (0:1)

Baş hakim: Manuel de Souza (Portuqaliya)
Bakı. Tofiq Bəhramov adına Respublika stadionu.

 

Oyun başladı

2. Flavinyo rəqib müdafiəçinin kobud səhvindən sonra qapıçı ilə üz-üzə qalsa da, zərbəsi qapıdan azca yan keçir

3. Komandamızın növbəti hücumu zamanı rəqib qapıçı topa sahib çıxır

7. "Rubin"in təhlükəli hücumu zamanı komandamızın bəxti gətirir

10. Qonaqlar cərimə zərbəsi qazansalar da, müdafiəçilər topu uzaqlaşdırırlar. Təkrar zərbə zamanı Stamenkoviç topu tutur

14. "Rubin"in təhlükəli hücumu zamanı Saşa topa sahib çıxır

16. Rusiya təmsilçisi korner qazanır: Dyadyun dəqiq baş zərbəsi ilə hesabı açır - 0:1

19. Kanales yaxın məsafədən topu qapıya göndərə bilmir

20. Bertuççinin uzaqdan zərbəsi qapıdan yan keçir

21. "Rubin" ikinci qolu vurmağa yaxın olsa da, komandamızın bəxti gətirir

23. R.Sadiqov təhlükəli nöqtədə rəqib futbolçunu yıxdığı üçün sarı vərəqə alır

24. Natxonun cərimə zərbəsi canlı səddən qayıdır

30. Komandamız hücumda hələ ki, istədiyi oyunu sərgiləyə bilmir

34. Rondon təhlükəli hücumu qeyri-dəqiq baş zərbəsi ilə tamamlayır

36. "Neftçi" korner qazanır: Mahirin cərimə meydançasına asmasını qapıya göndərmək mümkün olmur

40. Komandamız cərimə zərbəsindən yaxşı yararlana bilmir

43. E.Ramos gərəksiz yerə hakimlə mübahisə etdiyi üçün sarı vərəqə ilə cəzalanır. Təəssüf ki, bu, onun ikinci sarı vərəqəsi olduğundan "Partizan"la növbəti oyunu buraxmalı olacaq

Birinci hissə başa çatdı

İkinci hissə başladı

48. Bertuççinin təhlükəli zərbəsi qapıdan yan keçir

50. Natxo sarı vərəqə ilə cəzalanır

51. Bertuççinin çox qüvvətli cərimə zərbəsini son anda Rıjikov kornerə çıxarır

51. Korner zamanı yenə Bertuççinin zərbəsi qapıdan yan keçir

53. "Neftçi"də ilk dəyişiklik: E.Mehdiyevi A.Abdullayev əvəzləyir

55. Ansaldi də sarı vərəqə alan futbolçuların sırasına qoşulur

57. R.Sadiqovun əvəzində meydana M.Seyidov çıxır

59. "Neftçi"nin müdafiəçiləri kobud səhvdən yararlanan Rondon qapıçını da arxada qoysa da, zərbəsi tirdən dönür

60. Qonaqların təhlükəli əks-hücumu zamanı Dyadyunun zərbəsini Stamenkoviç kornerə çıxarır

61. Korner zamanı Saşa növbəti dəfə təhlükəli zərbəni qapı xəttindən çıxarır

62. G.Karadenizin zərbəsini Stamenkoviç tutur

67. Komandamız kornerdən yararlana bilmir

70. "Neftçi" daha bir korneri boşa verir

72. M.Seyidov sarı vərəqə alır

77. "Rubin"də ilk dəyişiklik: Dyadyunu S.Davıdov əvəzləyir

80. Kazan təmsilçisi ilk oyunda olduğu kimi, bu görüşdə də güclü pressinqlə "Neftçi"yə öz oyununu sərgiləməyə imkan vermir

80. Rondonu R.Yeryomenko əvəzləyir

81. Arazın zərbəsi qapıdan yan keçir

82. Bertuççinin də zərbəsi dəqiq olmur

83. A.Kasayevi G.Töre əvəzləyir

85. "Neftçi" cərimə zərbəsi qazanır: Bertuççinin zərbəsini qapıçı tutur

89. M.Şükürovu E.Yunuszadə əvəzləyir

90. Oyunun əsas vaxtına 3 dəqiqə əlavə olunur

Matç başa çatdı

 

NEFTÇİ: 30. Saşa Stamenkoviç, 4. Tərlan Quliyev, 5. İqor Mitreski, 16. Bruno Bertuççi, 22. Mahir Şükürov, 6. Rəşad Sadiqov (k), 9. Flavinyo, 10. Julius Vobay, 15. Erik Ramos, 11. Nikolas Kanales, 28. Emin Mehdiyev.

Ehtiyat oyunçular: 12. Emil Balayev, 3. Saşa Yunisoğlu, 32. Elvin Yunuszadə, 17. Araz Abdullayev, 19. Mirhüseyn Seyidov, 8. Elşən Abdullayev, 21. Kamil Nurəhmədov.

RUBİN: 1. Sergey Rıjikov, 3. Kristian Ansaldi, 4. Sezar Navas (k), 19. Vitali Kaleşin, 25. İvan Markano, 6. Pablo Orbais, 10. Alan Kasayev, 61. Gökdeniz Karadeniz, 66. Bebras Natxo, 22. Vladimir Dyadyun, 99. Xose Rondon.

Ehtiyat oyunçular: 24. Qedryus Arlauski, 2. Oleq Kuzmin, 76.  Roman Şaronov, 11. Karlos Eduardo, 23. Roman Yeryomenko, 55. Gökhan Töre, 9. Sergey Davıdov.