8 noyabr 2012 00:54
Bakı rəhbərliyindən ciddi xəbərdarlıq!
"Bakı" futbol klubunda klub rəhbərliyi, məşqçilər və futbolçuların iştirakı ilə toplantı keçirilib. Azerisport.az xəbər verir ki, obyektiv və subyektiv amillərin komandanın nəticələrinə göstərdiyi təsir, işlərin gedişi ətrafında aparılan müzakirələr nəticəsində əsas komandanın fəaliyyəti qeyri-qənaətbəxş qiymətləndirilib.
Klubun baş meneceri Zeynal Məmmədov "Bakı"nın turnir cədvəlində tutduğu yer, inamsız oyunlar seriyası və qeydə alınan nəticələrlə bağlı iradlarını bildirərək, komanda üzvlərinə ciddi xəbərdarlıq edib. Komanda qarşısında tezliklə sadalanan nöqsanları aradan qaldırrmaq və köklü dəyişikləyə nail olmaq vəzifəsi qoyulub.
Komandanın baş məşqçisi Bojidar Bandoviçin diqqətinə çatdırılıb ki, "Bakı"nın qarşısına qoyulan həm çempionluq, həm də kuboku qazanmaq vəzifələri dəyişilməz olaraq qüvvədə qalır.
Zeynal Məmmədov: "Hədəflər dəyişməyib, sizdən tələb olunan yaradılan ən yüksək şəraitin qarşılığını vermək, azarkeşlərimiz və klub rəhbərliyinin etimadını doğrulltmaqdı" - deyərək səbr limitinin tükəndiyini, bu istiqamətdə yaxşıya doğru köklü və ciddi dəyişikliklərin vaxtının çatdığını bildirib.
