8 noyabr 2012 14:12
Asim Xudiyev: Berdıyev məni dərhal tanımadı
Azərbaycanın beynəlxalq dərəcəli hakim-inspektoru Asim Xudiyev Avropa Liqasının qrup mərhələsi çərçivəsində Azərbaycan çempionu “Neftçi” ilə qarşılaşmaq üçün Bakıya gəlmiş Rusiyanın “Rubin” klubunun baş məşqçisi Kurban Berdıyevlə görüşündən danışıb. Azerisport.az saytına müsahibəsində o, bunları dilə gətirib:
“Rubin”in oyunlarını izləyəndə həmişə Berdıyevlə keçirdiyimiz matçlar yadıma düşür. O, vaxtilə Rostov CSKA-sının, “Kayrat”ın heyətində “Neftçi”yə qarşı oynayıb. Düzünü deyim ki, o, məni o dəqiqə tanımadı. Necə də olmasa, neçə illər keçib və bu, qəribə görünməməlidi. Tanıyandan sonra ötən illəri yada saldı. Yeri gəlmişkən, o, bizim dildə də pis danışmır. Berdıyev bildirdi ki, ölkəmizdə keçirilən Avroviziya mahnı müsabiqəsi öncəsi Bakıda olub. Keçmiş dostları ilə görüşüb. Biz də görüşdük, bir-birimizə uğurlar arzuladıq”.
