9 noyabr 2012 01:03
Vladimir Dyadyun: Rubin təşəbbüsü bilərəkdən Neftçiyə verdi
Rusiyanın “Rubin” klubunun futbolçusu Vladimir Dyadyun UEFA Avropa Liqasının qrup mərhələsi çərçivəsində Azərbaycan çempionu “Neftçi”yə qarşı keçirdikləri oyunu şərh edib. Azerisport.az xəbər verir ki, o, Bakıda 1:0 hesabıyla qələbə qazandıqları qarşılaşma ilə bağlı bunları dilə gətirib:
“Neftçi” ilə səfər oyunumuz çox çətin alındı. Biz özümüzə görə normal futbol oynadıq. Amma bunu sadəcə ilk yarım saatda bacardıq. Bu müddət ərzində oyuna nəzarət edirdik, qol vəziyyətləri yaradırdıq. Ondan sonra isə meydanın mərkəzini və təşəbbüsü əldən verdik. Düzdü, bunu bilərəkdən etdik. Lakin sonra istəsək də, yenidən təşəbbüsə yiyələnmək cəhdlərimiz alınmadı. Müdafiə olunmaq isə həmişə hücum etməkdən çətindi. Buna görə də qarşılaşma çətin oldu. Hansısa gücə qənaət etməkdən söhbət gedə bilməz. Oyuna “Neftçi” nəzarət etsə də, bizim daha çox qol vəziyyətimiz oldu. Amma əsas odu ki, qələbə qazandıq. Bu qələbə ilə qrupdan çıxmaq hədəfinə yaxınlaşdıq”.
