9 noyabr 2012 00:47
Mahir Şükürov yığmamızın Şimali İrlandiya ilə oyununu buraxa bilər
Futbol üzrə Azərbaycan yığmasının müdafiəçisi Mahir Şükürov DÇ-2014-ün seçmə mərhələsi çərçivəsində Şimali İrlandiya ilə keçiriləcək oyunu buraxa bilər. Azerisport.az xəbər verir ki, buna səbəb “Neftçi”nin futbolçusunun Avropa Liqasının qrup mərhələsi çərçivəsində ötən gecə baş tutan Rusiya “Rubin”i ilə görüşdə zədələnməsi səbəb olub.
Bu səbəbdən Şükürov sözügedən oyunun sonlarında hətta əvəzlənmək məcburiyyətində qaldı. Müdafiəçinin zədəsi ciddi ola bilər. Futbolçunun durumuna bu gün ətraflı həkim müayinəsindən sonra aydınlıq gələcək.
Qeyd edək ki, Mahir yığmamızla birgə şənbə günü Belfasta yola düşməlidi. Şimali İrlandiya – Azərbaycan matçı noyabrın 14-də məhz bu şəhərdə baş tutacaq.
