11 noyabr 2012 00:12
Milsamidən Elhadın yoxluğunda inamlı qələbə (YENİLƏNİB)
Futbol üzrə Azərbaycan yığmasının müdafiəçisi Elhad Nəzirinin heyətində yer aldığı “Milsami” Moldova çempionatında növbəti matçına çıxıb. Azerisport.az xəbər verir ki, həmyerlimizin komandası ölkə çempionatının 16-cı turu çərçivəsində “İskra-Stal” ilə görüşüb.
Qarşılaşma doğma meydanda keçirilirdi. Bu üzdən də “Milsami” bu görüşdən mütləq 3 xalla ayrılmağı hədəfləmişdi. Sonda onların bu istəyi baş tutub.
Son oyunlarda əsas heyətdə meydana çıxan millimizin üzvü bu görüşdə iştirak etməyib. Çünki Nəziri hazırda yığmamızla birgə Şimali İrlandiya ilə qarşılaşmaq üçün Belfasta gedib.
Qeyd edək ki, hazırda “Milsami” 16 oyundan sonra 24 xalla turnir cədvəlinin 4-cü pilləsində qərarlaşıb.
Moldova çempionatı
16-cı tur
10 noyabr
Milsami - İskra-Stal - 2:0
