10 noyabr 2012 12:17
“Bizi Orxan Əliyevin 16 yaşda Azərbaycan çempionatında ikinci mövsümünü keçirməsi cəlb etdi”
Portuqaliyanın “Porto” klubunun skautlar departamentinin direktoru Joao Luiş Afonso futbol üzrə 17 yaşlılardan ibarət Azərbaycan yığmasının və “Sumqayıt”ın hücumçusu Orxan Əliyevi baxışa çağırmaları ilə bağlı fikirlərini açıqlayıb. Azerisport.az saytına müsahibəsində o, öncə bunları dilə gətirib:
- Onu bizə bir agent firması məsləhət gördü. Həmin firma ilə yaxından əməkdaşlıq edirik. Çünki daim bizə yaxşı futbolçular təklif edirlər. Ona görə də Orxan Əliyevi təklif edəndə, heç bir şübhəmiz yox idi.
- Özünüz Orxanın oyununu görmüsüz?
- Əlbəttə. Bizi əsas cəlb edən məqam o oldu ki, bu futbolçu 17 yaşı tamam olmadığı halda Azərbaycan Premyer Liqasında ikinci mövsümünü keçirir. Düzünü deyim ki, bununla hər yerdə rastlaşmaq olmur. Biz “Sumqayıt”ın “Neftçi” ilə oyununa baxdıq. Hansı ki, həmin görüşdə Əliyev də çıxış edirdi.
- Niyə məhz “Neftçi” ilə oyun?
- “Neftçi” Avropa Liqasının iştirakçısıdı. Buna görə də biz məhz bu komandanın iştirakı ilə baş tutan görüşü izləməyə üstünlük verdik. Oyundan sonra isə Orxanı baxışa dəvət etdik.
- “Neftçi” Avropa Liqasının iştirakçısıdı. Buna görə də biz məhz bu komandanın iştirakı ilə baş tutan görüşü izləməyə üstünlük verdik. Oyundan sonra isə Orxanı baxışa dəvət etdik.
- Əliyevin “Porto”da əsas heyətə düşmək şansları nə qədər yüksəkdi?
- Klubumuz heç kimi boşuna heyətinə qatmır. Biz Əliyevlə bağlı qərarı qəbul edərkən demək olar ki, hər bir məqamı nəzərə almışıq. Məsələn, Orxanın top qovduğu ölkə çempionatının iştirakçısı Avropa Liqasında mübarizə aparır, Azərbaycan yığması Portuqaliyaya qarşı heç də pis oyun sərgiləmədi. Bütün bunlar ölkənizdə futbolun səviyyəsinin heç də aşağı olmamasından xəbər verir.
- Klubumuz heç kimi boşuna heyətinə qatmır. Biz Əliyevlə bağlı qərarı qəbul edərkən demək olar ki, hər bir məqamı nəzərə almışıq. Məsələn, Orxanın top qovduğu ölkə çempionatının iştirakçısı Avropa Liqasında mübarizə aparır, Azərbaycan yığması Portuqaliyaya qarşı heç də pis oyun sərgiləmədi. Bütün bunlar ölkənizdə futbolun səviyyəsinin heç də aşağı olmamasından xəbər verir.
- Əliyev baxışda necə təsir bağışlayır?
- Birinci həftə əsasən uyğunlaşma prosesinə həsr olunur. Hələ onu çox yükləməməyə çalışırıq. Birinci gündən etibarən isə onun işi ilə bağlı raport tələb edəcəyik. Sonda bu futbolçunu saxlayıb-saxlamamaqla bağlı qərar verəcəyik.
- Birinci həftə əsasən uyğunlaşma prosesinə həsr olunur. Hələ onu çox yükləməməyə çalışırıq. Birinci gündən etibarən isə onun işi ilə bağlı raport tələb edəcəyik. Sonda bu futbolçunu saxlayıb-saxlamamaqla bağlı qərar verəcəyik.
- Bəs ilkin təəssüratlar necədi?
- Bu, artıq məşqçilər korpusuna ünvanlanmalı sualdı. Biz sadəcə oyunçu axtarmaqla məşğul oluruq. Həmin futbolçuların komandamıza uyğun olub-olmadığına isə məşqçilər korpusu qərar verirlər.
