10 noyabr 2012 12:39
Yığmamız Şimali İrlandiya ilə oyun öncəsi daha bir itki ilə üzləşdi
Futbol üzrə Azərbaycan yığmasının üzvü Rizvan Umarov DÇ-2014-ün seçmə mərhələsi çərçivəsində Şimali İrlandiya ilə səfər matçında iştirak edə bilməyəcək. Azerisport.az xəbər verir ki, İspaniyanın “Elche” klubunun hücumçusu viza problemini yoluna qoya bilməyib.
Qeyd edək ki, Umarovun hələ Bakıdakı toplanışa qatılacağı gözlənilsə də, bu, alınmamışdı. Onun viza problemini yoluna qoyaraq, millimizlə birgə Belfasta yollanmasına bəslənilən ümidlər də özünü doğrultmayıb.
Beləcə, daha öncə Kamran Ağayevi, Rəşad Sadıqovu, Mahir Şükürovu itirən komandamız daha bir oyunçusunun xidmətindən məhrum olub.
