12 noyabr 2012 13:07
Xəzər Lənkəran braziliyalı futbolçusu ilə yollarını ayırdı
“Xəzər Lənkəran” Beto ilə yollarını ayırıb. Azerisport.az xəbər verir ki, avqust ayında transfer olunan Beto ləqəbi ilə tanınan braziliyalı hücumçu Andre Roberto Suares da Silva artıq bu komandanın heyətində çıxış etməyəcək.
Mövsümün əvvəlində Turkiyə Super Liqasında çıxış edən “Mersin İdman Yurdu” klubundan tranfer olunan futbolçu “Xəzər Lənkəran”ın heyətində uğurlu çıxış edə bilmədi. Komandanın heyətində 5 rəsmi oyuna çıxan braziliyalı forvard bu oyunların heç birində fərqlənə bilmədi. Oyunçu yalnız “Kəpəz”lə oynadığı yoldaşlıq görüşündə qapı torunu iki dəfə silkələdi. Bu oyun Betonun “Xəzər Lənkəran”ın heyətində fərqləndiyi yeganə oyun oldu.
Klub Beto ilə əməkdaşlığına qarşılıqlı razılıq şəklində son qoyub.
