12 noyabr 2012 18:04
Bakı İnterinin sabiq baş məşqçisi Andrey Şevçenkoya yığmanı çalışdırmaq təklifi etdi
Bakı “İnter”inin sabiq baş məşqçisi, hazırda Ukrayna Futbol Federasiyasının prezidenti olan Anatalo Konkov Kiyev “Dinamo”sunun və İtaliyanın “Milan” klubunun sabiq hücumçusu Andrey Şevçenkoya bu ölkənin milli komandasını çalışdırmaq təklifi edib. Azerisport.az xəbər verir ki, Ukrayna yığmasının baş məşqçisi postu Oleq Bloxinin gedişindən bəri boşdu.
Axtarışlarını davam etdirən UFF rəhbərliyi isə bu posta məhz Şevçenkonu gətirməyə qərar verib. Andrey bu ilin yayında futbolçu karyerasını başa vuraraq, siyasətlə məşğul olmağa başlayıb. Lakin onun təmsil olunduğu partiya yeni parlament seçkilərində uğur qazana bilməyib. Bu üzdən də Şevanın yenidən futbola qayıdacağı ehtimalı az deyil.
