13 noyabr 2012 12:57
Elvin Məmmədov: Şimali İrlandiyadan xal və ya xallar ala bilərik
Futbol üzrə Azərbaycan yığmasının yarımmüdafiəçisi Elvin Məmmədov DÇ-2014-ün seçmə mərhələsi çərçivəsində Şimali İrlandiya ilə oyun öncəsi azerisport.az saytının suallarını cavablandırıb.
- Komanda yoldaşlarınızın bəziləri ilə söhbətdə məlum oldu ki, hələ rəqibin oyununu izləməmisiz. Bəs siz necə?
- Mən də sadəcə Portuqaliya ilə son oyunlarının fraqmentlərinə baxmışam. Çətin səfərdə bir xal qazansalar da, mən onların o qədər də yaxşı oynadıqlarını deməzdim. Bircə qol vəziyyəti yaratdılar, onu da vurdular. Bütün oyunu müdafiədə keçirdilər.
- Mən də sadəcə Portuqaliya ilə son oyunlarının fraqmentlərinə baxmışam. Çətin səfərdə bir xal qazansalar da, mən onların o qədər də yaxşı oynadıqlarını deməzdim. Bircə qol vəziyyəti yaratdılar, onu da vurdular. Bütün oyunu müdafiədə keçirdilər.
- Amma biz Portuqaliya ilə görüşdə buna da nail ola bilməmişdik...
- Şimali İrlandiyanın daha çox bəxti gətirdi. Çünki Braqadakı oyunumuzda bizim də qol vəziyyətlərimiz oldu. Lakin istənilən halda kimin daha güclü olduğuna Şimali İrlandiya ilə aramızdakı oyun aydınlıq gətirəcək. Rəqibimiz ciddi komandadı. Amma onlardan xal və ya xallar almaq olar.
- Deməli, Şimali İrlandiyanın Portuqaliyaya qarşı uğurlu oyununu təsadüf sayırsız?
- Hər bir komandanın uğurlu oyunları olur. Biz də vaxtilə Portuqaliyadan xal almışıq, Türkiyəni məğlub etmişik. Amma çətin ki, bizim həmin nəticələrimiz indi şimali irlandiyalıları qorxutsun. Eyni zamanda da onların sensasiyaları bizi qorxutmur.
- Hər bir komandanın uğurlu oyunları olur. Biz də vaxtilə Portuqaliyadan xal almışıq, Türkiyəni məğlub etmişik. Amma çətin ki, bizim həmin nəticələrimiz indi şimali irlandiyalıları qorxutsun. Eyni zamanda da onların sensasiyaları bizi qorxutmur.
- Şimali İrlandiya doğma meydanda çıxış etdiyindən öz oyununu diqtə etməyə çalışacaq...
- Rəqibimiz atletik futbola üstünlük verir. Güman ki, uzun ötürmələrdən istifadə etməyə çalışacaqlar. Bakıdakı məşqlərdə biz bu cür oyuna qarşı necə lazımdısa, hazırlaşmışıq. Biz topa daha çox nəzarət etməliyik, qısa ötürmələrdən istifadə etməliyik.
- Bu dəfə də Rusiya və Portuqaliya ilə oyunlarda olduğu kimi, 90 dəqiqə müdafiədə oturmayacağıq ki?
- Hər şey Berti Foqtsun bizə verəcəyi taktikadan asılıdı. Biz başqa cür oynaya bilmərik. Təbii ki, daha çox hücuma diqqət yetirməyimizi istərdim.
- Görüş güman ki, yağışlı havada oynanılacaq. Komanda buna hazırdı?
- Bu, bizim üçün problem deyil. Çünki futbolçularımız milli çempionatda sulu meydançalarda az oynamayıblar. Şübhəsiz ki, yağışlı hava oyuna təsirsiz ötüşməyəcək. Amma rəqib də eyni şərtlər altında mübarizə aparacaq.
