Ev oyununa çıxmayan klub texniki məğlubiyyət aldı

Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra futbol üzrə 13 və 11 yaşlılar arasında keçirilən Azərbaycan çempionatının (U-13 Liqa, U-11 Liqa) son turunun oyunları ilə bağlı aşağıdakı qərarlar çıxarılıb.

 

U-13 Liqasının “Gənclik Gimnaziya” – “Qoşqar” matçında “Gənclik Gimnaziya”nın futbolçusu Qismət Əliyevin əvəzinə başqa futbolçu iştirak etdiyi üçün kluba 0:3 hesablı texniki məğlubiyyət verilib.

 

U-13 Liqasının “Yalama” – ŞKGB matçında ŞKGB klubunun futbolçusu Ramin Süleymanovun əvəzinə başqa futbolçu iştirak etdiyi üçün kluba 0:3 hesablı texniki məğlubiyyət verilib.

U-13 Liqasının UGİM (Ağdaş) – “Simurq” matçında UGİM (Ağdaş) klubu iştirak etmədiyi üçün kluba 0:3 hesablı texniki məğlubiyyət verilib.

 

U-13 Liqasının UGİM (Quba) – “Şahdağ” matçının 12-ci dəqiqəsində UGİM (Quba) klubunun futbolçusu Balaş Ağayev təhqiredici ifadələrə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb.

 

U-11 Liqasının “Xızı” – “Xudat” matçında “Xudat” tam heyətlə iştirak etmədiyi üçün kluba 0:3 hesablı texniki məğlubiyyət verilib.

 

U-11 Liqasının UGİM (Saatlı) – “Füzuli” matçının 12-ci dəqiqəsində UGİM (Saatlı) klubunun futbolçusu Kamil Rzayev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb.

 

U-11 Liqasının UGİM (İsmayıllı) – UGİM (Oğuz) matçının 15-ci dəqiqəsində UGİM (İsmayıllı) klubunun futbolçusu Murad Hacalıyev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb.