13 noyabr 2012 17:18
AZAL-ın üzvü Ermənistanla yoxlama oyunundan imtina etdi
Futbol üzrə Litva yığmasının və AZAL-ın futbolçusu Andyus Veliçka noyabrın 14-də keçiriləcək Ermənistanla yoxlama matçında iştirak etməyəcək. Azerisport.az xəbər verir ki, “təyyarəçilər”in üzvü özü bu görüşdə iştirakdan imtina edib.
Baş məşqçi Vaqif Sadıqov saytımıza açıqlamasında bildirib ki, Velçika bunu bütün fikrini klubdakı çıxışına yönəltmək istəyi ilə əlaqələndirib. Çünki litvalı oyunçu paytaxt klubunda o qədər də çox forma şansı qazana bilmir. Məhz bu üzdən yığmaya qatılmaqdan imtina edən Veliçka məşqlərdə özünü göstərməyi hədəfləyib. O, mövsümün geridə qalan turlarında yalnız “Turan”la görüşdə start heyətdə meydana çıxıb. Qalan oyunlarda isə son dəqiqələrdə forma şansı qazanıb.
Qeyd edək ki, Litvanın Ermənistanla yoxlama oyunu noyabrın 14-də İrəvanda keçiriləcək.
