13 noyabr 2012 21:05
Aslan Kərimov: İnanıram ki, yığmamız vətənə ən azı heç-heçə ilə dönəcək
Azərbaycanın 16 yaşadək futbolçulardan ibarət yığmasının baş məşqçisi Aslan Kərimov əsas millimizin DÇ-2014-ün seçmə mərhələsi çərçivəsində Şimali İrlandiyaya qarşı keçirəcəyi oyun öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Rəqibimiz Britaniya futboluna üstünlük verir. Onlar standart vəziyyətlərdən əla istifadə edirlər. Buna görə də müdafiədə diqqətli olmaq lazımdı. Şimali İrlandiyalıların heyətində əsasən ucaboy futbolçular çıxış edirlər. Buna görə də onlara qarşı “ikinci mərtəbədə” mübarizə aparmaq çox çətin olacaq. Özü də fikrimcə, indiki Şimali İrlandiya yığması yeddi il öncə üzləşdiyimiz komandadan fərqlənir. Amma futbolçularımız öz güclərinə inanmalıdılar və bilməlidilər ki, yaxşı nəticə qazana bilərlər. Azərbaycan yığması ən azı heç-heçəyə köklənməlidi. İnanıram ki, komandamız vətənə ən azı bu nəticə ilə qayıdacaq”.
