13 noyabr 2012 00:27
“Azərbaycan yığması artıq əvvəl olduğu kimi deyil”
Futbol üzrə Şimali İrlandiya yığmasının yarımmüdafiəçisi Kris Brant DÇ-2014-ün seçmə mərhələsi çərçivəsində Azərbaycana qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, öncə bunları dilə gətirib:
“Bu oyun Portuqaliya ilə qarşılaşmadan fərqlənəcək. Çünki Azərbaycan bizim əvvəlki rəqib qədər güclü deyil. Ona görə də biz daha çox hücum etməli olacağıq”.
“Bu oyun Portuqaliya ilə qarşılaşmadan fərqlənəcək. Çünki Azərbaycan bizim əvvəlki rəqib qədər güclü deyil. Ona görə də biz daha çox hücum etməli olacağıq”.
27 yaşlı futbolçu azarkeşlərin oyunun keçiriləcəyi “Vindzor Park” stadionunu tam dolduracağına əmindi: “Biz də onların bu dəstəyinin qarşılığında qələbə hədiyyə etməliyik. Onların əhval-ruhiyyəsini yaxşılaşdırmaq istəyirik. Çünki onlar bizi hər oyunda dəstəkləyirlər və buna layiqdilər”.
“West Bromvich”in orta sahə oyunçusu bundan əvvəli ev oyununu – Lüksemburqla qarşılaşmanı da xatırlayıb: “Biz həmin oyuna yaxşı başlamışdıq. Lakin sonradan nəsə oldu və oyunumuz getmədi. Bu dəfə isə özümüzü azarkeşlərimiz qarşısında əff etdirməliyik. Bunun üçün isə qələbə qazanmalıyıq”.
Maraqlıdı ki, Kris Brant 2005-ci ildə keçirilən Şimali İrlandiya – Azərbaycan görüşünün iştirakçısı olmaq şansına malik imiş. Amma o, qarşılaşmanı ehtiyat oyunçular skamyasından izləyib və meydana çıxmayıb: “O zaman mən ehtiyatda qaldım. O dövrlər müqayisədə Azərbaycan yığması çox dəyişib. Bu komanda indi əvvəlki kimi deyil. Baş məşqçi Berti Foqts bu ölkədə yaxşı komanda yaradıb. Onlar səfərdən xalla da dönə bilərlər. Azərbaycanlılar yaxşı texnikaya malikdilər. Mən bu komandanın adi rəqib olmadığını düşünürəm. Bizim insanlar rəqibin adına baxırlar və elə düşünürlər ki, doğma divarlar arasında qələbə qazanmaq asan olacaq. Amma bu, belə deyil. Qələbə qazanmaq üçün döyüşmək lazımdı. Bu ölkədə futbola böyük pullar yatırılır. Azərbaycan çempionatında Braziliyadan legionerlər çıxış edirlər. Onlar klub səviyyəsində də yaxşı təsir bağışlayırlar”.
Qeyd edək ki, Şimali İrlandiya – Azərbaycan oyunu sabah Belfastdakı “Vindzor Park” stadionunda keçiriləcək və Bakı vaxtı ilə saat 23:45-də start götürəcək.
