14 noyabr 2012 01:32
Çixradze: Qarabağla matça tam gücümüzlə hazırlaşmalıyıq
“Simurq”un baş məşqçisi Georgi Çixradze “Kəpəz”lə keçirdikləri yoldaşlıq oyunu haqda danışıb. Azerisport.az xəbər verir ki, gürcü mütəxəssis bunları deyib:
“Bu oyun bizim “Qarabağ”la keçirəcəyimiz rəsmi qarşılaşmaya hazırlıq baxımından önəmli rol oynayırdı. Çempionatda yaranmış fasilə ilə əlaqədar yetirmələrimin oyun təcrübəsini itirməməsi üçün bü cür yoxlama görüşü keçirməyi məsləhət bildik. Oyun haqqında isə onu deyə bilərəm ki, çox templi və maraqlı keçdi. Birinci və ikinci hissədə fərqli heyətləri meydana buraxdım. Yoxlama görüşü olmasına baxmayaraq, futbolçularımdan bu qarşılaşmaya çox ciddi yanaşmalarını istəmişdim. Oyundan qabaq verdiyim tapşırıqları tam olaraq yerinə yetirməyə çalışdılar. İndi isə bizi qarşıda çətin oyun gözləyir. Bu qarşılaşmaya tam gücümüzlə hazırlaşmalıyıq”.
