14 noyabr 2012 16:57
Azərbaycan Moldova ilə sülh bağladı (YENİLƏNİB)
21 yaşadək futbolçulardan ibarət Azərbaycan yığması bu gün yoldaşlıq matçında qüvvəsini sınayıb. Azerisport.az xəbər verir ki, bir neçə gündü Moldovada təlim-məşq toplanışında olan U-21 hazırlıq prosesini bu ölkənin yığmasıyla keçirəcəyi sınaq matçı ilə yekunlaşdırıb.
Qarşılaşma yığmamız üçün yaxşı başlayıb. Daha dəqiqi 45-ci dəqiqədə Araz Abdullayev hesabı açıb. Amma təəssüf ki, millimiz bu üstünlüyünü sonadək qoruya blməyib. Görüşün sonlarnda meydan sahibləri cavab qolunu vurmağa nail olublar. Beləcə, qarşılaşma 1:1 hesablı heç-heçə ilə başa çatıb.
U-21-lər arasında yoxlama oyunu
14 noyabr
Moldova – Azərbaycan - 1:1 (0:1)
Oyun başladı
45-ci dəqiqədə yığmamız Abdullayevin qolu sayəsində hesabda önə keçir - 0:1
Birinci hissə başa çatdı
İkinci hissə başladı
84-cü dəqiqədə meydan sahibləri hesabı bərabərləşdirirlər - 1:1
Matç başa çatdı
Komandamız bu görüşdə aşağıdakı heyətlə mübarizə aparıb: Sadıqlı, Qarayev, Quliyev, Abbasov, Yunuszadə, Qurbanov (Qross, 64), Abdullayev, İsgəndərov, Abatsiyev, Tağızadə, Seyidov (Novruzov, 72).
Ehtiyat oyunçular: Balayev, Tağıyev, Quluzadə, Alxasov, Diniyev.
