16 noyabr 2012 20:46
Nikolas Kanales: Azərbaycan çempionatında da onlardan dəstək gözləyirik
"Neftçi"nin hücumçusu Nikolas Kanales bu gün 8-ci km stadionunda ilk məşqə çıxmaları ilə bağlı fikirlərini açıqlayıb. Azerisport.az həmin açıqlama ilə sizi də tanış edir:
"Bu gün yeni stadionumuzda məşqə çıxdıq. Azərbaycana gəldiyim gündən burada futbol infrastrukturuna xüsusi diqqət yetirildiyini gördüm. Öyrəndim ki, şəhərin digər yerlərində də yüksək standartlara cavab verən qurğular inşa edilir. Əslində bu futbolun inkişafı üçün ən zəruri amildir. Fikrimcə azarkeşlərə də belə stadionlara gəlib komandalarına dəstək olmaq böyük zövq verər. Avropa Liqasında on minlərlə futbolsevər oyunumuzu izləməyə gəlmişdi. Azərbaycan çempionatında da onlardan dəstək gözləyirik. "Sumqayıt" klubu ilə matçda qələbə qazanıb azarkeşlərimizi sevindirmək istəyirik".
