20 noyabr 2012 16:45
Stepan Polyak: Qarabağla oyunda taktikamız özünü doğrultmadı
“Simurq”un xorvatiyalı yarımmüdafiəçisi Stepan Polyak Topaz Premyer Liqasının 13-cü turunun “Qarabağ”la oyunundan (1:2) sonra azerisport.az saytının suallarını cavablandırıb.
- “Qarabağ”a məğlubiyyət haqda nə deyə bilərsiz?
- Matçın ilk 30 dəqiqəsi bizim üçün çox çətin alındı. Elə iki qolu da məhz həmin vaxt ərzində buraxdıq. Bütövlükdə, birinci hissəni yaxşı keçirmədik. İki qol buraxandan sonra nəyisə dəyişmək isə çox çətin idi. Özü də belə bir rəqiblə qarşılaşmada.
- Matçın ilk 30 dəqiqəsi bizim üçün çox çətin alındı. Elə iki qolu da məhz həmin vaxt ərzində buraxdıq. Bütövlükdə, birinci hissəni yaxşı keçirmədik. İki qol buraxandan sonra nəyisə dəyişmək isə çox çətin idi. Özü də belə bir rəqiblə qarşılaşmada.
- Amma ikinci hissədə “Simurq”un oyunu daha yaxşı alınmağa başladı...
- Bəli, xüsusilə fasilədən sonrakı ilk 10-15-ci dəqiqədə rəqibi qapısına sıxışdırmağa nail olduq. Hətta hesab arasındakı fərqi azaltmağı da bacardıq. Lakin hesabı xeyrimizə dəyişmək istəyimiz alınmadı. Bu da dediyim kimi, rəqibin daha güclü olması ilə bağlı idi.
- Deməli, “Qarabağ”ın qələbəsi tamamilə ədalətlidi?
- Onlar daha layiqli oynadılar və qələbələri də ədalətli sayılmalıdı.
- Onda belə çıxır ki, komandanızın səhvlərindən danışmaq da mənasızdı?
- Təbii ki, biz bu komandanı məğlub edəcək gücdəyik. Sadəcə, bizim bu oyun üçün seçdiyimiz taktika özünü doğrultmadı. Məsələ burasındadı ki, birinci hissədə biz beş müdafiəçi ilə oynayırdıq. Fasilədən sonra isə müdafiəçilərin sayını dördə endirib, yarımmüdafiəçilərin sayını artırdıq. Nəticədə komanda daha yaxşı oynamağa başladı. Amma artıq iş-işdən keçmişdi.
- Təbii ki, biz bu komandanı məğlub edəcək gücdəyik. Sadəcə, bizim bu oyun üçün seçdiyimiz taktika özünü doğrultmadı. Məsələ burasındadı ki, birinci hissədə biz beş müdafiəçi ilə oynayırdıq. Fasilədən sonra isə müdafiəçilərin sayını dördə endirib, yarımmüdafiəçilərin sayını artırdıq. Nəticədə komanda daha yaxşı oynamağa başladı. Amma artıq iş-işdən keçmişdi.
- “İnter”ə məğlubiyyətdən sonra “Simurq” artıq beş turdu qələbə qazana bilmir...
- Son turlarda biz məhz birinci hissədə çox pis oynamağa başlamışıq. Məsələn, “Neftçi” ilə görüşün ilk dəqiqələrində qol buraxdıq. Bunun ardından nəsə etmək çətinləşdi. Əlbəttə, uğursuzluq seriyası ilə üzləşməyimiz çox pisdi. Bizə sadəcə bir qələbə lazımdı ki, komandanın özünəinamı geri qayıtsın.
- Növbəti turda Zaqatala klubunu məhz “İnter”lə oyun gözləyir...
- Əgər uğursuz seriya “İnter”lə başlayıbsa, elə bu komanda ilə oyunda bitməlidi. Ümid edirəm ki, qələbə qazanarıq.
