20 noyabr 2012 18:24
“Səkkiz dəfə 0:1 hesabı ilə uduzmaqdansa, bir dəfə 1:8 yenilmək yaxşıdı”
Futbol üzrə Azərbaycan yığmasının məşqçisi Nazim Süleymanov azerisport.az saytının suallarını cavablandırıb.
- Sizə elə gəlmir ki, yaxın gələcəkdə biz artıq Gəncə və Tovuzdan yaxşı futbolçuların çıxmasının şahidi olmayacağıq. Çünki bu zonalarda heç uşaq futbol məktəbləri də yoxdu...
- Əlbəttə, futbolda infrastruktur vacib amildi. Amma hər şey demək deyil. Guya Tovuzda əvvəllər supermeydançalar olub? Buna baxmayaraq, ordan Əfran İsmayılov, Elvin Məmmədov daha neçə-neçə futbolçular çıxıb.
- Həmin İsmayılov indi pula görə “Qarabağ”dan getməkdə ittiham olunur...
- Hə qədər ki, ümumi sistem yoxdu, belə söhbətlər olacaq. Futbolçu ümumiyyətlə klublarla danışıqlar aparmamalı, belə şeyləri şərh etməməlidi. Bütün bunlarla menecerlər məşğul olmalıdılar. Futbolçunun bircə işi ola bilər – futbol oynamaq. İndiki halda isə bu söhbətləri 5-6 ay öncədən ortaya atmamaq lazımdı. Ən yaxşı halda bir neçə həftə qalmış danışıqlara başlamaq olar.
- Ümumiyyətlə, hansısa futbolçunun özünü göstərməyə başladığı bir vaxtda başqa kluba keçmək istəməsi düzdü?
- Futbolçunun hər mövsüm komanda dəyişməsi düz deyil. Amma eyni zamanda bir insanın daha çox qazanmaq istəməsində də utandırıcı heç nə yoxdu. Əgər sizə azerisport.az-dan daha çox pul təklif etsələr, getməzsiz?
- Futbolçunun hər mövsüm komanda dəyişməsi düz deyil. Amma eyni zamanda bir insanın daha çox qazanmaq istəməsində də utandırıcı heç nə yoxdu. Əgər sizə azerisport.az-dan daha çox pul təklif etsələr, getməzsiz?
- Bəzi keçidlərin kökündə heç də maliyyə amili dayanmır...
- Biz də İsmayılovun “Qarabağ”dan niyə getmək fikrinə düşdüyünü bilmirik. Yəqin ki, başqa kiçik məqamlar var. Əfran yaxşı futbolçudu. Amma mən istərdim ki, bizim futbolçular yerli klublara yox, Türkiyə, Rusiya və onlardan da güclü çempionatları olan ölkələrdə oynamağa can atsınlar. Hansı ki, orda daha çox pul verirlər, səviyyə daha yüksəkdi. Bu, yığmamıza da faydalı olar.
- “Sumqayıt”ın “Neftçi”yə 1:8 hesablı yenilgisi barədə nə deyə bilərsiz?
- Komanda qələbə qazanır, tərifləyirik, amma bircə dəfə məğlub olan kimi tənqid etməyə başlayırıq. Sumqayıtın komandasının Premyer Liqada iştirakı məni çox sevindirir. Orda baza tikilməsi, yeni stadionun inşası da sevindirici məqamlardandı. Uşaq futbol məktəbi inkişaf edir. Bu komandanın üzvü Orxan Əliyevin “Porto”da baxışda olması da məni sevindirir. Komandada yığmanın futbolçularından Səlahət Ağayev, Uğur Pamuk çıxış edir. Ruslan Qurbanovla Orxan Əliyev də yaxın gələcəkdə əsas millinin üzvlərinə çevriləcəklər. Bütün bunlar nədənsə xəbər verir.
- Komanda qələbə qazanır, tərifləyirik, amma bircə dəfə məğlub olan kimi tənqid etməyə başlayırıq. Sumqayıtın komandasının Premyer Liqada iştirakı məni çox sevindirir. Orda baza tikilməsi, yeni stadionun inşası da sevindirici məqamlardandı. Uşaq futbol məktəbi inkişaf edir. Bu komandanın üzvü Orxan Əliyevin “Porto”da baxışda olması da məni sevindirir. Komandada yığmanın futbolçularından Səlahət Ağayev, Uğur Pamuk çıxış edir. Ruslan Qurbanovla Orxan Əliyev də yaxın gələcəkdə əsas millinin üzvlərinə çevriləcəklər. Bütün bunlar nədənsə xəbər verir.
- Amma 1:8 hesablı yenilgi ilə hər gün rastlaşmırsan...
- Bu, sadəcə bir oyunun nəticəsidi. “Sumqayıt” bu mövsüm “Neftçi”ni, “Bakı”nı məğlub edən, “Xəzər Lənkəran”dan xal alan komandadı. Səkkiz dəfə 0:1 hesabıyla uduzmaqdansa, bir dəfə 1:8 uduzmaq yaxşıdı. Bunu faciəyə çevirmək mənasızdı. Görünür, sadəcə bu oyuna pis hazırlaşıblar, yaxşı köklənə bilməyiblər.
