21 noyabr 2012 16:20
“Bu mövsüm ikiqat çətin olacaq”
“İnter”in yarımmüdafiəçisi Slavço Georgiyevski müsahibəsində “Turan”la matç barəsində danışıb, “Simurq”la gözlənilən oyun haqqında fikirlərini açıqlayıb və digər suallara cavab verib. Azerisport.az həmin müsahibə ilə sizi də tanış edir.
- “Turan”la keçirilmiş oyun barədə nə deyə bilərsiniz?
- Bilirdik ki, bizi ciddi müqavimət gözləyir. Buna baxmayaraq komanda oyuna yaxşı kökləndi və qalib gəlməyi bacardı. Komandanı yaxşı oyun və haqlı olaraq qazanılmış üç xal münasibətilə təbrik etmək istəyirəm.
- Gürünürdü ki, “Turan” səviyyə baxımından “İnter”ə bir qədər uduzur. Lakin Tovuz komandası bunu mübarizə və arzu hesabına kompensasiya etmək istəyirdi...
- Bəli, rəqib bacardığı qədər mübarizə apardı. Onlar pis oynamadılar, heç nə də geri qalmaq istəmədilər, lakin hər halda səviyyə arasındakı fərq öz sözünü dedi. Bununla belə, “Turan” yaxşı təəssürat yaratdı. Bu komanda yaxşı mübarizə apardı.
- “İnter”i qarşıdan Zaqatalaya səfər gözləyir. Qarşıdan gələn matç barədə nə deyə bilərsiniz?
- Bu mövsüm “Simurq” artıq gücünü göstərdi. Bu komanda cari çempionatda yaxşı çıxış edir. Bizə bu oyuna yaxşı hazırlaşmaq lazımdır. Oyun hər iki komanda üçün çətin olacaq. Biz birinci yerdə gedirik. Liderə qarşı oyunlarda bildiyiniz kimi, hamı xüsusi köklənir.
- Cari çempionat sürprizlərlə zəngindir. Demək olar aşkar autsayderlər qalmadı. Necə düşünürsünüz, “İnter” belə mürəkkəb mövsümdə çempionluq uğrunda mübarizə apara biləcək?
- Biz buna çox ümid edirik. Bu mövsüm ikiqat çətindir, axı istənilən komanda istənilən rəqibini məğlub edə bilər. Bir də ki, hələ aydın deyil, “ilk altılıq”da kim olacaq. Halbuki ötən mövsüm bu vaxt anlamaq olardı ki, “ilk altılığa” hansı komandalar düşəcək. Bir sözlə, bu mövsümdə kompromissiz mübarizə gedir. Qarşıda daha da ağır olacaq, ancaq biz uğura inanırıq. Bizə xallarımızı əldə etmək, qələbə qazanmaq və məqsədimizə doğru irəliləmək lazımdır.
- Bəs çempionluq yolunda “İnter”in əsas rəqiblərinin hansı komandalar olduğunu görürcünüz?
- Bu barədə danışmaq hələ tezdir. Hər komanda sürpriz edə bilər. Bizə bütün matçlara köklənmək lazımdır. Zəif rəqib olmur.
