23 noyabr 2012 11:53
Saşa Stamenkoviç: Onun başında problem var
“Neftçi”nin qapıçısı Saşa Stamenkoviç UEFA Avropa Liqasının qrup mərhələsi çərçivəsində Serbiyanın “Partizan” klubuna qarşı keçirdikləri oyundan (1:1) sonra azerisport.az saytının suallarını cavablandırıb. Serbiyalı qolkiper həmyerliləri ilə görüşdən sonra öncə bunları dilə gətirib:
- Erkən qol vurmağı bacardıq. Ondan sonra daha bir neçə real qol şansımız oldu. Amma təəssüf ki, bunlardan yararlana bilmədik.
- İkinci hissə “Neftçi”nin oyunu qətiyyən alınmadı...
- Bəli, ilk yarıya daha yaxşı başlamışdıq. Amma fasilədən sonra hər şey bizim istədiyimiz kimi getmədi. Nəticədə də rəqib buna görə bizi cəzalandırdı.
- Qoldan sonra Aleksandr Mitroviç sizə tərəf qaçıb nəsə dedi...
- Onun hərəkətləri mənim üçün anlaşılmaz qaldı. Hələ oyundan öncə hamıyla normal salamlaşmışdım. Elə Mitroviçlə də. Amma görünür onun başında problem var.
- Mitroviç eyni zamanda meydandan qovularkən də sizə xoşagəlməz jestlə yadda qaldı...
- Onun bununla nə demək istədiyini bilmirəm. Ümumiyyətlə bu adamla münasibətlərimdən danışmağa sözüm yoxdu. Mənim heç vaxt “Partizan”ın rəhbərliyi və ya futbolçuları ilə belə problemlərim olmayıb. Onları bir xal qazanmaları münasibətilə təbrik edirəm. Rəqibi də çox yaxşı qəbul etdik.
- Mitroviçin nömrəsini tapıb, onunla bu məsələni Belqradda danışmağa hazırlaşmırsız?
- Mən Belqradda ancaq yaxşı insanlarla dostluq edirəm.
- Mən Belqradda ancaq yaxşı insanlarla dostluq edirəm.
- Oyundan öncə qol buraxmayacağınıza söz vermişdiniz...
- Hərdən belə olur...
