24 noyabr 2012 11:32
Topaz Premyer Liqası, 14-cü tur: Elxan Abdullayevin proqnozu
AZAL-ın sabiq baş məşqçisi Elxan Abdullayev azerisport.az saytına müsahibəsində Topaz Premyer Liqasının 14-cü turunun oyunları ilə bağlı proqnozlarını dilə gətirib:
Kəpəz – Xəzər Lənkəran
Kəpəz – Xəzər Lənkəran
“Xəzər Lənkəran”da ciddi itkilər var. Komandanın əsas vuran ayağına çevrilən Dimitris Sialmas olmayacaq. Üstəlik müdafiəçi Vanderson da komandasına kömək edə bilməyəcək. Eyni zamanda yeni baş məşqçinin hələ komandaya tam bələd olmadığını düşünürəm. Ona görə də mən hətta “Kəpəz”in autsayder olmasına rəğmən, bu görüşdə heç-heçə olacağı qənaətindəyəm. Çünki “Kəpəz” Gəncədə daha yaxşı çıxış edir.
Simurq – İnter
Hesab edirəm ki, bu oyunda heç bir sensasiya baş verməyəcək və “İnter” qalib gələcək.
Qarabağ – Turan
Əfqan Talıbovun gəlişindən sonra “Turan” ardıcıl xallar yığmağa başlayıb. Amma bu görüşdə üstünlük “Qarabağ”da olacaq. Hesab edirəm ki, ağdamlılar qarşılaşmanı qalib başa vuracaqlar.
AZAL – Sumqayıt
“Sumqayıt”ı ciddi komanda kimi qəbule etmirəm. “Neftçi”, “Bakı” kimi komandaları məğlub edən komanda sabit çıxışı ilə seçilməlidi. Onlar həmin qələbələrinin təsadüfi olmadığını isbatlamaq üçün öz oyunlarını daha yaxşılaşdırmalıdılar, daha böyük hesablarla uduzmamalıdılar. AZAL da xeyli müddətdi qələbə qazana bilmir. Qələbə qazananda da, buna böyük hesabla nail olurlar. Fikrimcə, elə bu matçda da AZAL böyük hesabla qalib gələcək.
Bakı – Neftçi
“Neftçi” “Partizan”la oyunu mümkün qədər tez unudub, bu görüşə köklənməliyəm. Təbii ki, komanda vaxtında bərpa prosesi keçə bilsə, üstünlük “ağ-qaralar”da olacaq. Amma burda yorğunluq amili də var. Fikrimcə, “Neftçi” optimal heyətlə meydana çıxa bilsə, qələbə qazanacaq.
Rəvan – Qəbələ
Qəbələlilər yaxşı sürət yığıblar, son üç oyundan qalib ayrılıblar. Kifayət qədər də yaxşı futbol sərgiləyirlər. Amma “Rəvan” ev oyunlarında bir qayda olaraq yaxşı çıxış edir. Bu oyunda isə bakılıların maksimum heç-heçə etməsini gözləyirəm. “Qəbələ” qələbə qazanmalıdı.
