26 noyabr 2012 14:57
DÇ-2014-ün rəsmi talismanına ad verildi (FOTO)
Braziliyada DÇ-2014-ün rəsmi talismanına ad seçmək üçün keçirilən üçaylıq səsvermə başa çatıb. Azerisport.az xəbər verir ki, 1,7 milyondan çox şəxs “Fuleco” adına səs verib ki, bu da sorğuya qatılanların 48 faizini təşkil edir.
Digər iki ad “Zuzeco” və “Amijubi” isə, müvafiq olaraq, 31 % və 21 % səs qazanıb.
“Fuleco” adının «futbol» və «ekologiya» sözlərindən yarandığını da xatırladaq. Braziliyalılar arasında keçirilən sorğuya əsasən ictimaiyyətə açıqlandığı andan bugünədək ölkə turuna çıxan Fuleconu artıq yerli əhalinin 89 %-i tanıyır. Braziliyalılar tərəfindən bəslənən rəğbətə görə isə “Fuleco” 10 üzərindən 7.3 qiyməti alıb.
“Fuleco” Rəsmi Maskotu çempionatın ən nüfuzlu səfiri kimi, ətraf mühit məsələlərinə diqqəti çəkməkdə əhəmiyyətli rol oynayacaq.
