27 noyabr 2012 16:16
Rail Məlikov: Denizlispor mənə görə milyon dollar tələb edir
Futbol üzrə Azərbaycan yığmasının və Türkiyənin “Denizlispor” klubunun müdafiəçisi Rail Məlikov azerisport.az saytının suallarını cavablandırıb.
- Son turda komandanız çempionatın liderlərindən biri ilə sülh bağladı...
- “Karşıyaka” ilə səfərdə heç-heçə etmək pis nəticə sayılmamalıdı. Son turlarda komandamız çox yaxşı sərgiləməyə başlayıb. Bizim oyunumuzda yeganə çatışmayan məqam ələ düşən qol epizodlarını dəyərləndirə bilməməyimizdi. Elə son oyunda futbolçularımız dörd dəfə rəqib qapıçı ilə üz-üzə qaldığı halda, bundan yararlana bilmədilər.
- Yer aldığınız müdafiə xəttində problem yoxdu ki?
- Xeyr, müdafiə xəttimiz güclüdü. Son oyuna da zədəli çıxmışdım. Ümumiyyətlə, Türkiyə Birinci liqasında oynamaq çox maraqlıdı. “Karşıyaka” ilə oyunumuzu yeddi min azarkeş izləyirdi.
- Xeyr, müdafiə xəttimiz güclüdü. Son oyuna da zədəli çıxmışdım. Ümumiyyətlə, Türkiyə Birinci liqasında oynamaq çox maraqlıdı. “Karşıyaka” ilə oyunumuzu yeddi min azarkeş izləyirdi.
- Bəs sizin ev oyunlarınıza nə qədər azarkeş toplaşır?
- Orta hesabla 7-8 min azarkeş olur. Uğurlu çıxışlarımız olanda onların sayı artır.
- Orta hesabla 7-8 min azarkeş olur. Uğurlu çıxışlarımız olanda onların sayı artır.
- Hazırda isə komandanız 12-ci yerdə gedir...
- İki il əvvəl “Denizlispor” birinci dövrəni ilk sırada bitirib. Özü də 10 xal fərqilə. Amma həmin mövsümü komanda 8-ci yerdə bitirib. Bunu ona görə deyirəm ki, turnir cədvəli kənardan baxanları aldatmasın. Komanda yoldaşlarım da deyir ki, hər şeyə ikinci dövrədə aydınlıq gələcək.
- Deməli, siz hələ Super Liqaya çıxmaq ümidinizi itirməmisiz?
- Xeyr. Digər klublar kimi bizim də şansımız hələ qalır.
- Xeyr. Digər klublar kimi bizim də şansımız hələ qalır.
- Sizi komandanın vitse-kapitanı seçiblər. Bu, yeni gələn futbolçu üçün tez deyilmi?
- Bu sualı klub rəhbərliyinə verməniz yaxşı olardı. Əgər mənə bunu etibar edirlərsə, deməli layiqəm.
- Bu sualı klub rəhbərliyinə verməniz yaxşı olardı. Əgər mənə bunu etibar edirlərsə, deməli layiqəm.
- Mövsümü bu komandada başa vurmağı düşünürsüz?
- Hələ məlum deyil. Mənimlə Super Liqa klublarından da maraqlananlar var.
- Hələ məlum deyil. Mənimlə Super Liqa klublarından da maraqlananlar var.
- Deməli, yalnız Super Liqa klubuna keçməyə hazırlaşırsız?
- Elə Birinci Liqada çıxış edən klublardan da 3-4-ü maraqlanır. Əgər daha ambisiyalı klublardan real təklif gəlsə, niyə də olmasın? Klub rəhbərliyi mənə görə milyon dollar tələb edib. Əlbəttə, müəyyən güzəşt edilməsi də mümkündü. Amma hazırda hələ “Denizlispor”a məxsusam.
- Elə Birinci Liqada çıxış edən klublardan da 3-4-ü maraqlanır. Əgər daha ambisiyalı klublardan real təklif gəlsə, niyə də olmasın? Klub rəhbərliyi mənə görə milyon dollar tələb edib. Əlbəttə, müəyyən güzəşt edilməsi də mümkündü. Amma hazırda hələ “Denizlispor”a məxsusam.
- Türkiyədəki uğurlu çıxışınıza rəğmən yığmanın baş məşqçisi Berti Foqts hələ də sizə dəvət göndərmir. Bəlkə almaniyalı mütəxəssislə aranızda münaqişə var...
- Xeyr. Mənim onunla heç bir münaqişəm olmayıb. Sadəcə “Neftçi”ni tərk edəndən sonra məni bir kənara qoyublar.
