28 noyabr 2012 20:37
Kemal Alispahiç mərhələ adlayan komandasından narazı qaldı
Azərbaycan kubokunun 1/8 final mərhələsində I Divizion təmsilçisi “Neftçala” ilə qarşılaşan “Rəvan” əzmkar oyun göstərərək hesabda geri düşdüyü oyunda 2:1 hesablı qələbə qazanaraq ¼ finala yüksəldi. Azerisport.az xəbər verir ki, qarşılaşmadan sonra baş məşqçilər oyunla bağlı bunları dilə gətiriblər:
Hüseynqulu Quliyev, “Neftçala” klubunun baş məşqçisi: “Hər bir futbolçuma layiqli mübarizə əzminə görə, göstərdiyi oyuna görə təşəkkür edirəm. Mərhələ keçə bilmədik, bizim üçün çətin oyun oldu. “Rəvan” klubuna qarşıdakı oyunlarda uğurlar arzulayıram”.
Kemal Alispahiç, “Rəvan” klubunun baş məşqçisi: “Bəziləri futbolda nəticənin əsas olduğunu düşünürlər. Mənim üçün komandanın gözəl oyun göstərməsi daha vacibdir. Komandamın bugünkü oyunundan narazı qaldım, ola bilər ki, futbolçular psixoloji cəhətdən oyuna hazırlaşa bilmədilər. Son dəqiqədə qələbə qolunu vurduq, mərhələ keçdik. “Neftçala”nın bu cür oynamağa davam etsə, gələn mövsüm Premyer Liqada bizim rəqibimiz olacağına inanıram”.
