30 noyabr 2012 00:36
Del Boske, Qvaridola və Mourinyo
2012-ci ilin ən yaxşı baş məşqçisi adına son üç namizədin adı açıqlanıb. Azerisport.az xəbər verir ki, FİFA ən yaxşı adına Pep Qvardiola, Joze Mourinyo və Visente Del Boskenin namizəd olduğunu bəyan edib.
Ötən mövsüm İspaniyanın “Barcelona” klubu ilə Çempionlar Liqasında və İspaniya La Liqasında uğur qazana bilməsə də, Kral Kubokunda “Athletic”i 3:0 məğlub edərək baş mükafata sahib çıxan Qvardiola yenidən ilk üçlüyə daxil olmağı bacarıb. Maraq üçün bildirək ki, o, ötən mövsüm də ən yaxşı məşqçi seçilmişdi. La Liqada 3 il fasilədən sonra çempion olan “Real”ın çalışdırıcısı Mourinyo da “finala çıxıb”. İspaniya yığmasının sükanı arxasında son Avropa çempionatının qalibi adını qazanan Del Boske də ən yaxşı adını qazanmağa əsas namizəd olub.
Qeyd edək ki, ilin ən yaxşı baş məşqçisinin adı yanvarın 7-də bəlli olacaq. Həmin gün həmçinin dünyanın ən yaxşı futbolçusunun da adı bilinəcək. Hansı ki, bu ada Lionel Messi (Barcelona, Argentina), Kristiano Ronaldo (Real, Portuqaliya) və Andres İnyesta (Barcelona, İspaniya) namizəddi.
