29 noyabr 2012 14:42
Turan – Xəzər Lənkəran oyunundakı penalti epizodu (VİDEO)
Ötən gün Azərbaycan Kubokunun 1/8 final mərhələsində keçirilən “Turan” – “Xəzər Lənkəran” oyununda meydan sahibləri matçın baş hakimi Fariz Yusifdan narazı qaldı. Azerisport.az xəbər verir ki, buna səbəb referinin matçın əlavə vaxtında qapıçı Andrey Popoviçə qırmızı vərəqə göstərməsi və penalti təyin etməsiidi.
Belə ki, qarşılaşmanın əvvəlində hesabı açan “Turan” son saniyələrdə təyin olunan penalti ilə üstünlüyünə əldən verdi. Hər üç əvəzetmə olduğundan qapıya sahə oyunçusu Ruslan Zubkov keçməli oldu. Əlavə edilmiş 30 dəqiqədə çərçivəni toxunulmaz saxlayan ukraynalı müdafiəçi penalti seriyasında komandasına kömək edə bilmədi və “Xəzər Lənkəran” ümumi hesabda 6:4 qalib gələrək 1/4 finala çıxdı.
Bu gün Peşəkar Futbol Liqası penalti epizodunun görüntüsunu yayımlayıb. Həmin görüntünü təqdim edirik.
