1 dekabr 2012 02:18
Atletico Real ilə oyunda Azərbaycanı reklam edəcək
Bu gün futbol üzrə İspaniya La Liqasında iki Madrid klubu – “Real” və “Atletico” qarşı-qarşıya gələcək. Azerisport.az xəbər verir ki, 14-cü tur çərçivəsində keçiriləcək görüş Azərbaycan üçün də az əhəmiyyət daşımayacaq.
Məsələ burasındadı ki, “Atletico” bu qarşılaşmaya üzərində Azərbaycanla bağlılığı olan formayla çıxacaq. Bu, ölkəmizin turizm şüarı - "Odlar Yurdu" ilə bağlıdı. Lakin sözügedən aksiya yalnız bu oyun üçün nəzərdə tutulub və “Atletico”nun bütün oyunlarında baş tutmayacaq.
İspaniya mətbuatının yazdığına görə, Madrid klubu bu aksiya müqabilində 20 milyon avro qazanacaq.
Qeyd edək ki, “Atletico” Azərbaycanda bir müddət öncə “Bakı” ilə əməkdaşlığa start verib. Elə bu aksiya da məhz həmin əməkdaşlığın bir hissəsi olaraq həyata keçiriləcək. Lakin əməkdaşlığın əsas hissəsi azərbaycanlı yeniyetmə futbolçuların yaxın gələcəkdə bu komandada təlim-məşq toplanışı keçirməsindən ibarət olacaq.
İspaniyalı həmkarlarımız daha bir maraqlı fatkı açıqlayıblar. Məlumatda bildirilir ki, “Atletico” gələn il ölkəmizdə yoldaşlıq oyunu keçirəcək. Bu komandanın baş məşqçisi Dieqo Simeone isə gənc məşqçilərimiz üçün master-klass keçəcək.
