1 dekabr 2012 20:12
Mahmud Qurbanov: Tovuza revanş arzusu ilə yollanırıq
“Kəpəz”in baş məşqçisi Mahmud Qurbanov sabah “Turan”la keçirəcəkləri oyun barədə fikirlərini açıqlayıb. Azerisport.az xəbər verir ki, gənc mütəxəssis Gəncə və Tovuz komandalarının qarşılaşmasının prinsipiallığından danışıb:
“Hamıya yaxşı məlumdur ki, bu klublar arasında keçirilən oyunlar həmişə gərgin mübarizə şəraitində keçir. Rəqiblər turnir cədvəlindəki durumlarından asılı olmayaraq, bir-birlərinə qarşı meydanda güzəştsiz davranırlar. Sabahkı oyunda yenə ajiotajın olacağını bilirəm. Biz ilk dövrədə tovuzlulara məğlub olduğumuzdan, səfərə revanş arzusu ilə yollanırıq”. (klub saytı)
